The Impact of Internal Affairs Bodies’ Reforms on Uzbekistan’s Position in International Security Rankings

Full text

Milliy islohotlarning samaradorligini xalqaro mezonlar asosida baholash maqsadida, O’zbekistonning turli xalqaro reyting va indekslardagi o‘rniga alohida e’tibor qaratilmoqda. Jumladan, 2024-yil 16-avgustdagi Oliy Majlis Senatining qaroriga muvofiq, ayrim asosiy xalqaro indekslarda mamlakat natijalarini oshirish vazifasi bevosita Ichki ishlar vazirligiga yuklatildi [1].

Bu indeks va reytinglar qonun ustuvorligi, xavfsizlik, korrupsiyaga qarshi kurash, innovatsion rivojlanish kabi sohalardagi holatni xolis baholaydigan muhim mezonlar hisoblanadi. Shu sababli, Ichki ishlar vazirligi faoliyatini takomillashtirish orqali jamoat xavfsizligini yaxshilash va qonun ustuvorligini ta’minlash mamlakatning xalqaro indekslardagi o‘rnini sezilarli ravishda ko‘tarishga xizmat qilmoqda.

O’zbekiston oxirgi yillarda xavfsizlik bo‘yicha xalqaro ko‘rsatkichlarda barqaror ijobiy tendensiya namoyon etib kelmoqda. Numbeo ma’lumotlar bazasining 2025-yilgi ma’lumotlariga ko‘ra, O’zbekiston “Xavfsizlik indeksi” (Safety Index)da 73,4 ball, “Jinoyatchilik indeksi” (Crime Index)da 26,6 ball bilan dunyodagi eng xavfsiz mamlakatlar orasida 25-o‘rinni egalladi [2].

Bu ko‘rsatkich Markaziy Osiyoda eng yuqori bo‘lib, qo‘shni Qozog‘iston 73-o‘rinni (45,6 ball), Qirg‘iziston esa 101-o‘rinni (52,0 ball) egallagan. Numbeo reytingida mamlakatimizning jinoyatchilik darajasi “juda past” toifaga kiritilgan.

Aytish joizki, mazkur natijalar “O‘zbekiston–2030” strategiyasi doirasida mamlakatimizda “Jamoat xavfsizligi konsepsiyasi” qabul qilinib, islohotlarning aynan xavfsiz muhitni yaratishga qaratilganligini ko‘rsatadi.