Cooperation Between Internal Affairs Bodies and Other Authorized State Bodies and Institutions in Ensuring Public Safety and Combating Crime

Full text

Mahalliy davlat hokimiyati organlari bilan hamkorlikni yanada takomillashtirish maqsadida xorijiy tajriba, jumladan Turkiya, Germaniya, Rossiya Federatsiyasi, Singapur va Malayziya kabi rivojlangan davlatlarning jamoat tartibini saqlash hamda jinoyatlarning oldini olish bo‘yicha qabul qilgan qonun hujjatlari o‘rganildi.

Mazkur mamlakatlarda “Jamoat tartibini saqlashni tashkil etish to‘g‘risida”gi va “Jamoat tartibini saqlashda fuqarolarning ishtiroki to‘g‘risida”gi qonunlar alohida-alohida qabul qilingan. “Jamoat tartibini saqlashni tashkil etish to‘g‘risida”gi qonun kam sonli davlatlarda qabul qilingan bo‘lsa-da, jamoat tartibini saqlashda fuqarolarning ishtirokini belgilovchi qonunlar yuqorida sanab o‘tilgan mamlakatlarda qabul qilinib, unda mahalliy davlat hokimiyati organlari bilan, shuningdek fuqarolar bilan hamkorlik masalalari huquqiy kafolatlangan.

Turli davlatlarda ma’muriy hududlarda jamoat tartibi va xavfsizligini ta’minlash hamda jinoyatchilikka qarshi kurashish faoliyati turli yo‘llar va usullar bilan amalga oshiriladi. Ushbu sohada har bir davlat o‘ziga xos tajribaga ega bo‘lib, ularni o‘rganish hamda mos keladiganlarini respublikamiz jamoat tartibini saqlash, huquqbuzarliklar profilaktikasini ta’minlash va jinoyatchilikka qarshi kurashish tizimiga tatbiq etish asosiy vazifalardan biridir.

Xorijiy mamlakatlar tajribasi tahlili shuni ko‘rsatadiki, ularda davlat va fuqarolik jamiyati institutlari hamkorligini tashkil etishning huquqiy asoslari mavjud. Jumladan, Turkiyada Jamoat xavfsizligini ta’minlash bosh boshqarmasi (Toplum Destekli Polis) markaziy boshqaruv apparati bo‘lib, jinoyatchilikka qarshi kurashish hamda huquqbuzarliklarning oldini olish borasidagi hamkorlik masalalarini muvofiqlashtiradi ^[3].