State Control over Precursors in the Republic of Uzbekistan: Problems and Solutions

Full text

Yuqoridagilardan kelib chiqqan holda, respublikamizda giyohvandlik vositalari va psixotrop moddalar noqonuniy muomalasining oldini olish maqsadida prekursorlar muomalasini qat’iy tartibga solish va nazorat qilish samaradorligini ta’minlashga qaratilgan quyidagi amalga oshirishni maqsadga muvofiq deb hisoblaymiz:

Birinchidan, prekursorlar muomalasi bilan bog‘liq faoliyatni tartibga solish va uzluksiz nazoratini ta’minlashga qaratilgan alohida nizom loyihasini ishlab chiqish va uni O‘zbekiston Respublikasi Vazirlar Mahkamasining tegishli qarori bilan tasdiqlash hamda unda quyidagi mexanizmlarni aniq belgilash lozim:

• ushbu yo‘nalishda davlat uzluksiz nazoratini ta’minlash choralari, Narkotiklar va o‘qotar qurollarni nazorat qilish agentligi, Sog‘liqni saqlash vazirligi, Davlat xavfsizlik xizmati, Ichki ishlar vazirligi, Bojxona qo‘mitasi va boshqa vakolatli davlat organlarining aniq vazifalari;
• prekursorlarni respublika hududiga olib kirish (olib chiqish) va tranzit o‘tkazish, ishlab chiqarish, tayyorlash, saqlash, tashish, yo‘q qilish va realizatsiya qilish (berish) tartiblari;
• prekursorlar muomalasi bilan tegishli litsenziya asosida shug‘ullanuvchi subyektlarning faoliyatini monitoring qilish tartibi va ularning hisobdorligi.

Ikkinchidan, Giyohvandlik vositalarini nazorat qilish bo‘yicha davlat komissiyasi qarori asosida prekursorlar ro‘yxatini soddalashtirilgan tartibda tasdiqlash, to‘ldirish, unga o‘zgartirish va qo‘shimchalar kiritish amaliyotini yo‘lga qo‘yish.

Ma’lumki, O‘zbekiston Respublikasi Prezidentining 2024-yil 6-mayda qabul qilgan “O‘zbekiston Respublikasida giyohvandlik vositalari va psixotrop moddalarning noqonuniy aylanmasiga chek qo‘yish orqali ularning aholi salomatligi va mamlakatimiz genofondiga salbiy ta’sirini bartaraf etish strategik chora-tadbirlari to‘g‘risida”gi farmoni bilan Giyohvandlik vositalari va psixotrop moddalar ustidan nazorat qilish bo‘yicha Davlat komissiyasi tarkibi tasdiqlangan [5].