Foreign Experience in Curbing Crime in Areas with a High Criminogenic Situation

Full text

Mahallalarda “Obod va xavfsiz mahalla” tamoyili asosidagi ishlar O‘zbekiston Respublikasining “Fuqarolarning o‘zini o‘zi boshqarish organlari to‘g‘risida” 2013-yil 22-apreldagi O‘RQ-350-son ^[1] hamda “Huquqbuzarliklar profilaktikasi to‘g‘risida” 2014-yil 14-maydagi O‘RQ-371-son Qonunlari ^[2], O‘zbekiston Respublikasi Prezidentining “Jamiyatda ijtimoiy-ma’naviy muhitni sog‘lomlashtirish, mahalla institutini yanada qo‘llab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari to‘g‘risida” 2020-yil 18-fevraldagi PF-5938-son Farmoni ^[3] va boshqa qonunchilik hujjatlari ijrosini ta’minlash bo‘yicha tizimli ishlar amalga oshirilmoqda.

Alohida ta’kidlab o‘tish lozimki, 2023-yil 30-martda tegishli davlat organlarining qo‘shma qarori qabul qilinib, mazkur qaror asosida alohida yo‘riqnoma ishlab chiqildi. Ushbu yo‘riqnomada “Obod va xavfsiz mahalla” tamoyili asosida respublika mahallalarida huquqbuzarlik sodir etishga moyil yoxud huquqbuzarlikdan jabrlanish ehtimoli yuqori bo‘lgan shaxslar, ya’ni ijtimoiy profilaktika obyekti bo‘lgan shaxslar bilan kunlik, yakka tartibda ishlash bo‘yicha manzilli chora-tadbirlarni amalga oshirish tartibi belgilab qo‘yildi.

O‘zbekiston Respublikasi Prezidentining “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlari to‘g‘risida” 2023-yil 21-dekabrdagi PF-209-son Farmoni ^[4], shuningdek, “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlari to‘g‘risida” 2023-yil 21-dekabrdagi PQ-402-son Qarori ^[5] hamda O‘zbekiston Respublikasi Vazirlar Mahkamasining “Mahallalar faoliyatini tartibga solishga doir normativ-huquqiy hujjatlarni tasdiqlash to‘g‘risida” 2024-yil 13-iyundagi 334-son Qarori ^[6] bilan mahallalarni qo‘llab-quvvatlashni yanada takomillashtirish, mahallabay ishlashga mas’ul bo‘lgan shaxslar faoliyatini samarali tashkil etish va ularning hamkorligini ta’minlash hamda O‘zbekiston Respublikasi Konstitutsiyasining 127-moddasi ^[7]ga muvofiq fuqarolarning o‘zini o‘zi boshqarish organlari faoliyatini amalga oshirishi uchun zarur shart-sharoitlar yaratish, ularga qonunda belgilangan vakolatlarini amalga oshirishda ko‘maklashish maqsadi nazarda tutiladi.

Foydalanilgan manbalar

1. O‘zbekiston Respublikasining “Fuqarolarning o‘zini o‘zi boshqarish organlari to‘g‘risida” 2013-yil 22-apreldagi O‘RQ-350-son Qonuni.
2. O‘zbekiston Respublikasining “Huquqbuzarliklar profilaktikasi to‘g‘risida” 2014-yil 14-maydagi O‘RQ-371-son Qonuni.
3. O‘zbekiston Respublikasi Prezidentining “Jamiyatda ijtimoiy-ma’naviy muhitni sog‘lomlashtirish, mahalla institutini yanada qo‘llab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari to‘g‘risida” 2020-yil 18-fevraldagi PF-5938-son Farmoni.
4. O‘zbekiston Respublikasi Prezidentining “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlari to‘g‘risida” 2023-yil 21-dekabrdagi PF-209-son Farmoni.
5. O‘zbekiston Respublikasi Prezidentining “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlari to‘g‘risida” 2023-yil 21-dekabrdagi PQ-402-son Qarori.
6. O‘zbekiston Respublikasi Vazirlar Mahkamasining “Mahallalar faoliyatini tartibga solishga doir normativ-huquqiy hujjatlarni tasdiqlash to‘g‘risida” 2024-yil 13-iyundagi 334-son Qarori.
7. O‘zbekiston Respublikasi Konstitutsiyasi. 2023-yil 30-aprel (127-modda).