Ijtimoiy kapitalning yadro elementi sifatida ishonch — Finlyandiyada faqat huquqiy yoki iqtisodiy darajada emas, balki ontologik sathda mavjud bo‘lib, jamiyatdagi barcha ijtimoiy munosabatlar strukturaviy emas, sadoqatli konvensiyalar asosida qurilgan.
P. Fukuyama fikricha, “yuqori darajadagi ijtimoiy ishonch davlat institutlariga bo‘lgan ishonchni kuchaytiradi, biroq u yuqoridan majburiy nazorat orqali emas, balki jamiyatda shakllangan axloqiy me’yorlar asosida shakllanadi” [1; 27-b.].
Finlyandiya bunga eng yorqin misoldir: bu yerda o‘qituvchiga nafaqat kasb egasi, balki ijtimoiy axloq homiysi, jamiyatning madaniy va ruhiy poydevorini qayta ishlab chiqaruvchi agent sifatida qaraladi.
Bu esa ta’lim tizimini zamonaviy texnokratik bilimlar emas, balki ijtimoiy-madaniy murosaga asoslangan kontekstual ongni tarbiyalovchi vositaga aylantiradi.
O‘qituvchilik kasbining yuqori ijtimoiy maqomda e’tirof etilishi Finlyandiyada jamiyatning qadriyatlar tizimi bilan bevosita bog‘liq.
Bu jihat N. Luhmann tomonidan “axloqiy tizimlar orqali siyosiy tizimni legitimlashtirish” sifatida ifodalangan [2; 73-b.].