Some Aspects of Philosophical, Historical, and Legal Approaches to Corruption

Full text

Umuman olganda, korrupsiya hodisasi turli fanlar hamda yondashuvlar, ilmiy maktablar, oqimlar va ilmiy tafakkurlar yo‘nalishi doirasida o‘rganiladi. Natijada korrupsiyani ilmiy jihatdan ko‘rib chiqish jihati uning sabablari va mohiyati nuqtayi nazariga bog‘liq bo‘lib, bugungi kunda ushbu sohada amalga oshirilgan qator ilmiy tadqiqotlarni misol qilib keltirish mumkin.

Birinchidan, O‘zbekistonda mustaqillik yillarida korrupsiya hodisasi Q.R. Abdurasulova [4], B. Ismailov [5], R.T. Hakimov [6], Sh.R. Qobilov [7], Sh.O. Mamadaliyev [8], A. O‘lmasov [9], Q. Tojiboyev [10], M. Xodjimuxamedov [11] va boshqa olimlarning ilmiy ishlarida xalqaro huquq va kriminologiya fani nuqtayi nazaridan o‘rganilgan.

Ikkinchidan, rossiyalik G.A. Avanesov, D.I. Aminov, B.V. Voljenkin, L.D. Gauxman, V.V. Golubev, A.I. Dolgova va boshqalar tomonidan yoritilgan ilmiy maqola, dissertatsiya, monografiya va darsliklarda ushbu hodisaga huquqiy va kriminologik nuqtayi nazardan yondashilgan.

Uchinchidan, korrupsiyani iqtisodiy nuqtayi nazaridan o‘rganish keng tarqalgan bo‘lib, bu joyda korrupsiya bozor raqobatini cheklashi, mahsulot sifatining pasayishi va tannarxining oshishi hamda resurslarning notekis taqsimlanishiga olib kelishi qator iqtisodchi olimlar, jumladan S. Rouz-Akkermanning “Коррупция и государство. Причины, следствия, реформы” va “Демократия и «великая» коррупция”, R. Klitgaardning “Controlling Corruption”, J. Buchininning “The Economics of Corruption”, V.E. Boykovning “«Серая» экономика: масштабы развития и влияния на массовое сознание”, I.M. Klyashin va L.M. Timofeevning “Теневая экономика: экономико-социологическое исследование”, S.P. Yuxachevning “Коррупция как экономические отношения социума” va boshqalarning tadqiqot ishlarida ilmiy asosda isbotlangan.